"Songen og livet" er blitt overskrifta på mi verksemd som songar sidan eg for alvor byrja som frilans songar i 2007. Då hadde eg hatt ein heil del år med klassisk song i musikkstudiene, arbeidd nokre år som folkehøgskulelærar og sangpedagog  vore forsamlingsmusikar/lovsongsleiar og frilans dirigent. Sjølvsagt har eg sunge mykje lenger - heilt sidan eg var lita, både i heimen og i barnekor, ungdomskor og "vaksenkor".

 

Å synge om livet er vel ikkje noko nytt, men overskrifta seier noko om korleis song har prega mitt liv og mi historie, og at song er noko personleg - sjølv i det profesjonelle. 

​

Det er stor variasjon både tekstleg og sjangermessig - alt mogleg i landskapet mellom salmar, folketonar,viser, jazz, soul, pop og gospel. Å liste opp repertoar vil ta lang tid. Den klassiske utdanninga ligg i botn, og smelter saman til noko eg kanskje kan våge å kalle mitt eige uttrykk. Totaluttrykket varierer alt etter kven eg syng/spelar med. I eit samarbeid må alle "stemmer" få seie sitt med den historia dei har. I bloggen skriv eg litt om kvart prosjekt eg dokumenterer.